Məhsuldarlıq: Süd istehsalı 9593 ton/il, ət satışı (diri çəki) 192 816 ton/il.

Ümumi heyvan sayı: Hazırda təsərrüfatda 2505 baş heyvan mövcuddur.

Sahə: 1113 baş sağmal olmaqla 3000 başlıq cins iri buynuzlu heyvandarlıq kompleksi, pivot müasir suvarma sistemi ilə 385 hektar sahədə iri əkinçilik təsərrüfatı, istehsal gücü saatda 5 ton olan yem zavodu yaradılmışdır. Həmçinin əkinlərin daimi suvarma suyu ilə təmini üçün beton kanalları çəkilib və 2 ədəd tutumu 50000 m3 olan su hovuzu tikilib. Əlavə olaraq hal-hazırda 446.2 ha ərazidə müasir pivot suvarma sistemləri quraşdırılıb. Yem ehtiyatlarının tam təmini üçün 3 ədəd tutumu 10000 ton olan senaj quyusu və artan heyvan sayı nəzərə alınmaqla 240 başlıq yeni inək tövləsi tikilib.

Aqroparkın əkin sahələri 3 dəfə artırılmış və istehsal genişləndirilmişdir. Artıq keçən ilin sonundan başlayaraq Xaçmaz rayonu Müqtədir qəsəbəsində Dövlət Ehtiyat Fondu torpaqlarından 956.15 hektar torpaq sahəsi tam əkin dövriyyəsinə daxil edilmiş və tələbata uyğun əkin aparılmışdır. Bununla da Yalama Aqroparkının sahəsi təkrar əkinlər ilə birgə 1479 hektara çatdırılmışdır.