Niyazi Əmirbəyov bakalavr və magistr təhsilini Bakı Dövlət Universitetində “Biologiya Elmləri” üzrə almışdır. Daha sonra Azərbaycan Dövlət Neft Akademiyasında “Offshore Dəniz Təsisləri Mühəndisi” ixtisasını bitirmiş və təhsilini Duke Universitetində davam etdirmişdir.

Niyazi Əmirbəyov karyerasının böyük bir hissəsini (20 ilə yaxın) British Petroleum Azerbaijan-da müxtəlif aparıcı vəzifələrdə çalışaraq, idarəetmə, beynəlxalq tərəfdaşlıq və digər sahələrdə təcrübə qazanmışdır. Eyni zamanda, Amerikanın nüfuzlu şirkətlərindən biri olan GLG-də məsləhətçi kimi fəaliyyət göstərərək təcrübə əldə etmişdir.

Hazırda Niyazi Əmirbəyov Agro Dairy şirkətinin Baş İcraçı Direktoru vəzifəsində çalışır, burada şirkətin strateji istiqamətini, əməliyyatlarını və inkişaf təşəbbüslərini idarə edir.

Kənd təsərrüfatı sektorunda uzun illər xüsusi xidmət göstərmiş Kristof Hartiq, “Vyana Təbii Sərvətlər və Həyat Elmləri Universiteti”nin (BOKU) məzunudur.

Agro Dairy-də kənd təsərrüfatı məsləhətçisi kimi uzunmüddətli karyera sahibi Kristof Hartiqin zəngin təcrübəsi, Qrupumuzun bütün gələcək səylərini zənginləşdirməyi vəd edir.

Hazırda Kristof Hartiq Aqronomik Şuranın aparıcı şirkətlərinə cavabdehdir, baş direktora və idarəedici direktorlara bitkiçilik və heyvandarlıq məsələləri üzrə məsləhətlər verir.

Ramil Məmmədov, 25 illik ümumi təcrübəsində Agro Dairy-nin Aparıcı Əməliyyatçısı, Ferma Meneceri, Neft və qaz sənayesində Liderlik rolları və konsaltinq layihələri kimi bir sıra rəhbər vəzifələrdə çalışmışdır.

O, “Azərbaycan Dövlət İqtisad Universiteti”, “Azərbaycan Dövlət Neft və Sənaye Universiteti” və “Tallin Menecment Məktəbi”nin diplomlarına malikdir.

Ramil Məmmədov bütün bitkiçilik aktivlərinin idarə olunmasına, bitkiçilik strategiyasının işlənib hazırlanmasına və həyata keçirilməsinə, bitkiçilik üzrə heyvandarlıq təsərrüfatlarının dəstəklənməsinə, şirkət daxilində məhsuldarlığın səmərəliliyinin və keyfiyyətinin artırılmasına cavabdehdir.

“Marmara Universiteti”ndə bakalavr və “Sabancı Universiteti”ndə magistr təhsili almış Maşallah Tağıyev, “Kont Bilişim Teknolojileri ve Dış Ticaret A.Ş.”, British Petroleum və bank sektorunda müxtəlif rolları əhatə edən görkəmli karyera trayektoriyasına malikdir. Yeni təyinatdan öncə o, Agro Trade Supply şirkətinin baş direktoru vəzifəsində çalışmışdır.

Maşallah Tağıyev taxıl emalı aktivlərinin bütün əməliyyatlarının idarə edilməsinə, taxıl emalı aktivlərinin keyfiyyətinin və əməliyyat səmərəliliyinin artırılmasına, taxıl emalı aktivləri üzrə strateji təşəbbüslərin işlənib hazırlanmasına və icrasına cavabdehdir.

Rauf Mayılov “Azərbaycan Dövlət Aqrar Universiteti” və Almaniyanın “Weihenstephan-Tətbiqi Elmlər Universiteti”ndə təhsil alıb. Rauf Mayılov “Weihenstephan Tətbiqi Elmlər Universiteti”ndə, “GIZ”, “TU Munich” və “Josera GmbH & Co. KG”də işlədiyi müddətdə kənd təsərrüfatı sahəsində əhəmiyyətli təcrübə əldə edərək, eyni zamanda liderlik qabiliyyətinə də sahiblənmişdir.

Rauf Mayılov heyvandarlıq təsərrüfatlarının əməliyyat fəaliyyətinin idarə edilməsinə, heyvandarlıq aktivləri üzrə əməliyyat səmərəliliyinin, məhsuldarlığının və keyfiyyətə nəzarətinin artırılmasına, heyvandarlıq təsərrüfatlarının strateji təşəbbüslərinin icrasına cavabdehdir.

Azər Vahabzadə “Munster Universiteti”nin məzunudur və “CIMA” akkreditasiyasına malik sertifikatlı mühasibdir. Onun liderlik təcrübəsi maliyyə, kommersiya maliyyəsinə nəzarət, müxtəlif ölkələrin fərqli sənayelərində maliyyə meneceri və maliyyə direktoru kimi rolları əhatə edir. Azər Vahabzadə həmçinin, 2022-ci ildən “Milla Dairy” şirkətinin baş direktoru vəzifəsində çalışıb.

Azər Vahabzadə süd məhsulları biznes bölməsinin əməliyyat, kommersiya və maliyyə fəaliyyətinin idarə edilməsi, “AzProtein” və “Dost Agro” BM-lərdə şirkət maraqlarının idarə edilməsi, süd biznesinin inkişafı üçün strateji təşəbbüslərin işlənib hazırlanması və icrasına cavabdehdir.

Əsəd Qurbanzadə “Azərbaycan Dövlət İqtisad Universiteti”ndə maliyyə ixtisası üzrə bakalavr, bank işi üzrə magistr, “Anadolu Universiteti”ndə MBA və doktorantura təhsili alıb. Əsəd Qurbanzadə bundan öncə Azərbaycan Beynəlxalq Bankı, PAŞA Bank və “Agro Dairy”də kommersiya sahəsi üzrə müxtəlif rollarda və satış rəhbəri vəzifəsində çalışıb. O, həmçinin, üçüncü “Yüksəliş” müsabiqəsinin qalibidir.

Əsəd Qurbanzadə Bitkiçilik, Taxıl emalı və Heyvandarlıq Biznes Bölmələri üçün bütün gündəlik satış, ticarət və marketinq əməliyyatlarının idarə edilməsi, gəlir artımını təmin etmək üçün kommersiya strategiyasının işlənib hazırlanması və icrası, bütövlükdə inteqrasiya olunmuş Satış və Əməliyyat Planlamasının inkişafı, əkinçilik məhsullarının və emal olunmuş taxılların ölkə daxilində və beynəlxalq səviyyədə təşviqi və satışı üzrə aparıcı satış komandasının idarə olunmasına cavabdehdir.

Elnur Əliyev maliyyə menecmenti rolunda 15 ildən artıq təcrübəyə malik maliyyə mütəxəssisidir. “Azərbaycan Dövlət İqtisad Universiteti”ndə bakalavr dərəcəsi və MBA təhsili almış Elnur Əliyev FMCG, Informasiya Texnologiyaları, Neft və Qaz sənayesində C-Level maliyyə meneceri kimi 10 illik peşəkar təcrübəyə və əlavə olaraq 6 il “Big 4” – PwC-də auditor kimi təcrübəyə malikdir.

Elnur Əliyev maliyyə strategiyalarının işlənib hazırlanması və icrası, strateji məqsədlərə uyğun maliyyə planlaşdırması, büdcə, hesabat və təhlilə rəhbərlik, xəzinədarlıq, satınalma, vergi planlaşdırması, hökumətlə əlaqələr və İnformasiya Texnologiyaları funksiyalarına cavabdehdir.

Maksimillian Hartiq Bank işi və Maliyyə üzrə universitet dərəcəsinə malikdir. O, “Deloitte” və “Agro Dairy” şirkətlərində icra etdiyi əvvəlki vəzifələrində mühüm təcrübə qazanıb və dərin sənaye biliklərini nümayiş etdirib.

Maksimillia Hartiqin strateji düşüncəsi və innovativ yanaşması, şübhəsiz ki, Qrupumuzun davamlı uğuruna və böyüməsinə kömək edəcəkdir.

Maksimillian Hartiq Agro Dairy strategiyasının həyata keçirilməsinin işlənib hazırlanması və əlaqələndirilməsi, Agro Dairy şirkətlər qrupu üzrə transformasiya planının həyata keçirilməsi, yeni rəqəmsal və innovativ həllərin tətbiqi üçün cavabdehdir.

Fatimə Tağıyeva İnsan Resurslarının İdarə Edilməsi üzrə CIPD Associate diplomuna və Azərbaycan Dillər Universitetinin bakalavr dərəcəsinə malikdir. 15 illik peşəkar HR təcrübəsi ilə o, qabaqcıl insan resursları strategiyalarını tətbiq etməkdə, rəhbərlik və əməkdaşlarla güclü etimad və əməkdaşlıq mühiti qurmaqda, motivasiyaedici iş mühiti yaratmaqda və təşkilati performansın yüksəldilməsində mükəmməl nəticələr əldə etmişdir.

Agro Dairy şirkətinə qoşulmazdan əvvəl Fatimə Tağıyeva PASHA Management Company (PMC)-də iki ildən çox HR Transformasiya Direktoru (Ventures) kimi fəaliyyət göstərmiş, müxtəlif sahələri əhatə edən beş şirkət üçün strateji HR rəhbərliyi təmin etmiş və təxminən 2000 əməkdaşın insan resursları proseslərinə nəzarət etmişdir.

Bundan əvvəl o, BP şirkətində uğurlu karyera yolu keçmiş və burada insan resursları sahəsində geniş təcrübə toplamış, o cümlədən təxminən 6 il ərzində əmək münasibətləri sahəsində çalışmışdır.

Məltəm Novruzova “Bakı Dövlət Universiteti”ndə bakalavr və magistr dərəcələri alıb. “MGB Hüquq Bürosu”, “Azmade Group”, “Milla Dairy” və “Agro Trade Supply” şirkətlərində çalışaraq hüquq sahəsində böyük təcrübə toplayıb.

Məltəm Novruzova 2018-ci ildən Azərbaycan Respublikasının Vəkillər Kollegiyasının üzvüdür. IFLR1000 beynəlxalq hüquq bələdçisi tərəfindən hazırlanmış Azərbaycanda maliyyə və korporativ hüquq sahəsində aparıcı hüquqşünasların 2020-ci il üçün reytinq cədvəlində o, “Yüksələn Ulduz” nominasiyasına daxil edilib.

Məltəm Novruzova biznes bölmələrinə hüquqi dəstək və resursların təmin edilməsi, hərtərəfli risklərin idarə edilməsi strategiyasının işlənib hazırlanması, risklərin azaldılması planlarının yaradılması və monitorinqi, normativlərə uyğunluğun təmin edilməsi, etika və uyğunluğa nəzarət, dürüstlüyün təşviqi və təlimatlara riayət olunmasına cavabdehdir.

Nəsimi Qurbanov Bakı Dövlət Universitetinin Sosiologiya və Psixologiya fakültəsinin Siyasi Elmlər ixtisasını bitirmiş, hazırda ADNSU-da fövqəladə hallar və həyat təhlükəsizliyi mühəndisliyi ixtisası üzrə bakalavr təhsilini davam etdirir.

Sağlamlıq, Təhlükəsizlik və Ətraf Mühit (SƏTƏM) sahəsində geniş təcrübəyə malik olan Nəsimi Qurbanov, Worley Europe Limited (BP AGT, CGLP layihəsi) şirkətində SƏTƏM məsləhətçisi, PASHA Construction şirkətində Duty/HSE Menecer (Ticarət Mərkəzləri) vəzifələrində çalışmışdır. Eyni zamanda, Prokon LLC (Nobel Oil), SOCAR Amonyak və Ürea Kompleksi layihələrində SAMSUNG ENGINEERING Co. LTD müştərisi ilə birlikdə SƏTƏM Meneceri və SƏTƏM mühəndisi olaraq böyük miqyaslı tikinti layihələrində təhlükəsizlik əməliyyatlarını idarə etmiş, risk qiymətləndirmələri aparmış və təhlükəsizlik təşəbbüslərini həyata keçirmişdir.

İlk iş təcrübəsini Fövqəladə Hallar Nazirliyində, Xüsusi Riskli Xilasetmə və Tikinti Təhlükəsizliyi Departamentində əldə etmişdir. Hal-hazırda Agro Dairy şirkətində QHSE Rəhbəri olaraq, ətraf mühit məsələlərinə rəhbərlik edir, təhlükəsizlik standartlarının yerinə yetirilməsini təmin edir və layihələrin bütün mərhələlərində risklərin idarə olunmasına nəzarət edir.