"ATS Soy Processing MMC" olaraq təchizat zəncirinin effektiv və kəsintisiz idarə olunmasına töhfə verəcək, peşəkar və nəticəyönümlü Təchizat üzrə Mütəxəssis axtarırıq.

Bu vəzifədə siz satınalma proseslərinin vaxtında və daxili prosedurlara uyğun icrasına, təchizatçılarla etibarlı əlaqələrin qurulmasına və satınalma qrupunun gündəlik əməliyyat fəaliyyətinin yüksək standartlar əsasında həyata keçirilməsinə cavabdeh olacaqsınız.

Əgər analitik düşüncə tərzinə malik, detallara diqqətli, kommunikasiya bacarıqları güclü və peşəkar inkişafını davamlı olaraq prioritet hesab edən mütəxəssissinizsə, sizi güclü komandamızın bir hissəsi olmağa dəvət edirik. Biz sizə peşəkar inkişaf imkanları, dinamik iş mühiti və dəyər yaradan layihələrdə iştirak etmək fürsəti təqdim edirik.

Əsas Vəzifə Öhdəlikləri:

Sifarişlərin İdarəedilməsi və Təhlil:

• Daxili strukturlardan gələn mal və xidmətlər üzrə satınalma sorğularının (PR - Purchase Requisition) qəbulu, yoxlanılması və icraya hazırlanması.
• Bazarın araşdırılması və potensial təchizatçılardan optimal qiymət təkliflərinin (RFQ - Request for Quotation) toplanması.
• Qiymət, keyfiyyət və çatdırılma şərtlərini təhlil edərək ilkin müqayisə cədvəllərinin hazırlanması.

Əməliyyatların İcrası və İzlənilməsi:

• Satınalma sifarişlərinin (PO - Purchase Order) hazırlanmasına dəstək göstərilməsi və prosesin sonadək izlənməsi.
• Çatdırılma prosesinə operativ nəzarət, sifarişlərin vaxtında təhvil alınmasının təmini və mümkün gecikmələrlə bağlı qrup rəhbərinin vaxtında məlumatlandırılması.
• Kateqoriyalar üzrə təchizatçı məlumat bazasının (Vendor List) mütəmadi olaraq yenilənməsi və idarə edilməsi.

Koordinasiya və Sənədləşmə:

• Təchizatçılarla davamlı və peşəkar kommunikasiyanın (yazışma və telefon danışıqları) aparılması.
• Satınalma prosesində daxili qaydalara və komplayens prosedurlarına tam uyğunluğun təmin edilməsi.
• Mühasibatlıq və anbar şöbələri ilə sıx koordinasiya; təhvil-təslim və ödəniş sənədlərinin vaxtında mühasibatlığa təqdim olunması.
• Müqavilə sənədlərinin, aktların və satınalma fayllarının nizamlı şəkildə arxivləşdirilməsi.

Namizədə dair Tələblər:

Təhsil və Səriştələr:

• Təhsil: Ali təhsil (İqtisadiyyat, Menecment, Biznesin İdarəedilməsi və ya əlaqədar sahələr üzrə olması üstünlükdür).
• Təcrübə: Satınalma (təchizat) və ya logistika sahəsində minimum 1-2 il müvafiq iş təcrübəsi.
• Şəxsi Keyfiyyətlər: Analitik düşünmə, detallara qarşı xüsusi diqqət, komandada işləmək bacarığı və yenilikləri öyrənməyə açıq olmaq.
• Kommunikasiya: Güclü şifahi və yazılı ünsiyyət, işgüzar yazışma qabiliyyəti.

Texniki və Dil Bilikləri:

• Kompüter Bilikləri: MS Office (xüsusilə Excel və Outlook) proqramlarında sərbəst işləmə bacarığı.
• ERP Sistemləri: 1C və ya digər ERP proqram təminatları ilə işləmə bacarığı əlavə üstünlükdür.
• Dillər:
• Azərbaycan dili – Səlis;
• Rus və/və ya İngilis dili – İşgüzar səviyyədə bilmək arzuolunandır (Üstünlükdür).

Əlavə Tələblər:

• Sürücülük vəsiqəsinin olması (və aktiv sürücülük bacarığı) üstünlük hesab olunur.

ATS Soy Processing MMC olaraq maliyyə proseslərinin effektiv idarə olunmasına töhfə verəcək, peşəkar və nəticəyönümlü Mühasib axtarırıq. Bu vəzifədə siz maliyyə uçotunun dəqiq və şəffaf aparılmasına, maliyyə əməliyyatlarının düzgün idarə edilməsinə və hesabatlılıq proseslərinin yüksək standartlar əsasında həyata keçirilməsinə cavabdeh olacaqsınız. Əgər analitik düşüncə tərzinə malik, detallara diqqətli, məsuliyyətli və peşəkar inkişafını davamlı olaraq prioritet hesab edən mütəxəssissinizsə, sizi güclü komandamızın bir hissəsi olmağa dəvət edirik. Biz sizə peşəkar inkişaf imkanları, dinamik iş mühiti və dəyər yaradan layihələrdə iştirak etmək fürsəti təqdim edirik.

Əsas Vəzifə Öhdəlikləri:

• Pul vəsaitlərinin idarə edilməsi: Mədaxil və məxaric əməliyyatlarının ERP proqram təminatına daxil edilməsi, hesablar üzrə qalıqların sistemlə uyğunluğunun yoxlanılması və sənədlərin arxivləşdirilməsi.
• Elektron sənəd dövriyyəsi (Alış): Tədarükçülərdən daxil olan elektron qaimələrin ilkin sənədlərlə üzləşdirilərək düzgünlüyünün yoxlanılması, təsdiq edilməsi və ERP proqramında mühasibatlıq uçotuna işlənməsi.
• Təhvil-təslim aktları: Görülmüş işlər və göstərilmiş xidmətlər üzrə təhvil-təslim aktlarının qəbulu, yoxlanılması və elektron bazada saxlanılması.
• Satış uçotu (Satış): Müəssisənin satış əməliyyatları zamanı ilkin sənədlərin düzgünlüyünün yoxlanılması və uçotunun aparılması.
• Dövlət portalları ilə iş: Tələb olunan elektron qaimələrin (e-taxes.gov.az) dəqiq tərtib olunması, göndərilməsi və sənədlərin elektron qeydiyyatının aparılması.
• Müxabirləşmələr: Mühasibat uçotu standartlarına və qaydalarına uyğun olaraq düzgün müxabirləşmələrin verilməsi.

Namizədə dair Tələblər:

Təhsil və Təcrübə:

• Təhsil: Maliyyə, Mühasibatlıq və ya İqtisadiyyat sahəsində ali təhsil.
• Təcrübə: Mühasibatlıq sahəsində minimum 1 il iş təcrübəsi.

Texniki Biliklər:

• ERP proqramları: 1C 8.3 ERP proqramında sərbəst işləmək bacarığı mütləqdir.
• Dövlət Portalları: e-taxes.gov.az portalı ilə praktiki işləmə təcrübəsi.
• Ofis proqramları: Microsoft Office proqramları

Cəlilabad dəyirmanı ərazisində təhlükəsizlik və nəzarəti təmin edir, giriş və çıxışları idarə edir, təhlükəsizlik avadanlıqlarını izləyir, təhlükəsizlik məsələlərini həll edir və hesabatlar təqdim edir.

• Zavod ərazisini izləmək, təhlükəsizlik qaydalarına riayət olunmasını təmin etmək, qeyri-qanuni fəaliyyətləri və riskləri aşkar etmək
• Növbəni təhvil verən nəzarətçi ilə birlikdə qorunan obyektdə qıfıl və başqa bağlayıcı qurğuların, yanğına qarşı inventarın olmasını, siqnalizasiyanı, telefonun sazlığını, işıqlanmanın olmasını təmin edir. 
• Müəssisə, idarə, təşkilatın girəcəyində növbə çəkdikdə işlərin, müştərilərin, nəqliyyatın müəssisə, idarə, təşkilatın ərazisinə və lazımi sənədlər təqdim etdikdən sonra geri buraxılmasına nəzarət
• Faktiki yüklənmiş yükün sənədlərlə tutuşdurulması, darvazanın açılıb bağlanması
• Jurnalda qeydlər aparmaqla növbənin qəbul edilməsi və təhvil verilməsi 
• Giriş-çıxış sahəsini lazımi sanitariya vəziyyətində saxlanılması
• Müəssisənin missiyasına, məqsədlərinə və siyasətinə müvafiq işləmək.
• Əməyin mühafizəsi, texniki təhlükəsizlik və yanğın təhlükəsizliyi qaydalarına tam əməl etmək.

• Təhsil səviyyəsi: Orta
• Hərbi xidmətini başa vurmuş olmalı
• İş təcrübəsi: 1-3 il
• Dil bilikləri: Azərbaycan dili (əla)  
• Ezamiyyət tələbləri: Bəli
• Fiziki tələblər: Sağlam.

"Agrotrade Supply MMC" olaraq biz, təchizat zəncirinin davamlılığına və innovativ inkişafına önəm verən, sənayenin qabaqcıl şirkətlərindən biriyik. Hazırda Ağdaş rayonu üzrə fəaliyyət göstərən komandamızın strateji gücünü artıracaq, yüksək ixtisaslı Əmtəə ticarəti (Trading) üzrə Baş Mütəxəssis axtarırıq.

Bu rolun sahibi qlobal və yerli bazar konyunkturunu dərindən təhlil edərək, mürəkkəb satınalma layihələrini və ticari əməliyyatları başdan sona idarə etmək, eyni zamanda səmərəli təchizat həlləri ilə şirkətə birbaşa əlavə dəyər qatmaq məsuliyyətini daşıyacaqdır. Əgər siz dinamik biznes mühitində strateji qərarlar verməyə və peşəkar karyeranızı sənaye lideri ilə davam etdirməyə hazırsınızsa, bu fürsət sizin üçündür!

Vəzifə Öhdəlikləri:

Strateji Satınalma və Ticari Əməliyyatlar:

• Şirkətin qlobal məqsədlərinə və büdcəsinə uyğun olaraq əmtəə üzrə innovativ satınalma və ticarət strategiyalarının hazırlanması.
• Ticari əməliyyatların idarə edilməsi: Bazar konyunkturuna uyğun olaraq alış-satış əməliyyatlarının planlaşdırılması və icrası.
• Bazar trendlərinin və təchizatçı performansının analizi vasitəsilə qiymət risklərinin sığortalanması (hedging) və optimal dəyərin təmin edilməsi.

Proseslərin İdarəedilməsi:

• Satınalma dövrünün tam idarə olunması: Potensial satıcıların araşdırılması, RFQ/RFP/ITT-lərin hazırlanması və qiymətləndirmə.
• Təchizatçılarla mürəkkəb danışıqların aparılması, müqavilə şərtlərin razılaşdırılması və mövcud müqavilələrin mütəmadi auditi.

3. Əməliyyat Səmərəliliyi və Risklərin İdarə Olunması:

• Xərclərin optimallaşdırılması və şirkət daxilində "qənaət mədəniyyəti"nin təşviqi.
• Daxili prosedurlara, komplayens qaydalarına və qanunvericilik tələblərinə tam riayət olunması.
• Satınalma və ticarət nəticələrinə dair rəhbərliyə detallı analitik hesabatların təqdim edilməsi.

4. Komanda və Tərəfdaşlıq (Stakeholder Management):

• Maliyyə, logistika və əməliyyat komandaları ilə sıx çarpaz-funksional (cross-functional) əməkdaşlıq.
• Əsas təchizatçılar və tərəfdaşlarla şəffaf, uzunmüddətli əməkdaşlıq münasibətlərinin qurulması.
• Komanda üzvlərinə mentorluq və peşəkar dəstək göstərilməsi.

 Namizədə dair Tələblər:

Təhsil və Təcrübə:

• Biznesin İdarəedilməsi, Təchizat Zənciri və ya Logistika üzrə Bakalavr dərəcəsi.
• Satınalma, təchizat və ya əmtəə ticarəti sahəsində minimum 2–3 il iş təcrübəsi.
• Mürəkkəb satınalma layihələrinin idarə olunması üzrə sübut olunmuş təcrübə.
• CIPS, PMP kimi peşəkar sertifikatlara sahib olmaq böyük üstünlükdür.

Texniki Biliklər və Dillər:

• ERP sistemləri: SAP və ya 1C ilə praktik iş təcrübəsi.
• MS Office: Xüsusilə Excel-də (VLOOKUP, Pivot, analitik formulalar) yüksək bacarıqlar.

  Dillər:

• Azərbaycan dili: Ana dili (Mütləq);
• Rus dili: Minimum B2 səviyyəsi (Mütləq);
• İngilis dili: Minimum Pre-intermediate səviyyəsi (Arzuolunandır / Üstünlükdür).

Səriştələr:

• Yüksək tempdə və stresli mühitdə bir neçə prioriteti eyni vaxtda idarə etmək bacarığı.
• Güclü danışıqlar aparma (negotiation) və analitik problem həll etmə qabiliyyəti.
• Ezamiyyət: Ölkədaxili və beynəlxalq biznes səfərlərinə hazırlıq.

Paketləmə fəhləsi hazır unu standartlara uyğun olaraq qablaşdırır, torbaları bağlayır, etiketləyir və anbara yığılmasına kömək edir.

• Qablaşdırma materiallarını hazırlamaq və avadanlığa yerləşdirmək.
• Unu müəyyən olunmuş çəki ilə paketləmək.
• Torbaları bağlamaq və etiketləmək.
• Hazır məhsulu paletlərə yığmaq.
• İş yerinin təmizliyinə və təhlükəsizlik qaydalarına riayət etmək.
• Nasazlıq və ya çatışmazlıq olduqda ustaya məlumat vermək.
• Əməyin mühafizəsi, texniki təhlükəsizlik və yanğın təhlükəsizliyi qaydalarına tam əməl etmək.

• Fiziki sağlamlıq və məsuliyyətlilik.
• Dəqiqlik və çeviklik.
• Növbəli iş rejimində işləmək bacarığı.

Zavodun avadanlıqlarının texniki baxımını və təmirini həyata keçirir, nasazlıqları aşkar edir və düzəldir, avadanlıqların quraşdırılmasını və konfiqurasiyasını təmin edir, istehsalat proseslərini dəstəkləyir və təhlükəsizlik qaydalarına riayət edir. 

• Mexaniki bilik və qabiliyyətinə sahib olmaq, idarəetmədən anlayışı olmaq, problem həll etmə qabiliyyətinə sahib olmaq 
• Yeni maşın və avadanlıqları quraşdırmaq, lazımi konfiqurasiyaları və tənzimləmələri həyata keçirmək 
• Bütün fəaliyyətində yüksək etik standardları, məxfiliyi və şəffaflığı qoruyub, saxlanılması 
• Avadanlıqların fasiləsiz, texniki cəhətdən düzgün istismarını və etibarlı işini, onların saz vəziyyətdə, tələb olunan səviyyədə saxlanılmasını təmin edilməsi 
• Təmir işlərində əməyin mühafizəsi və təhlükəsizlik texnikası qaydalarına riayət edilməsini təmin edir. 
•  Avadanlıqların işini yaxşılaşdıran səmərələşdirici təkliflərə rəylərin verilməsi, onların tətbiqinə kömək edilməsi 

• Alətlərdən istifadə qaydalarını mükəmməl bilməlidir 
• Avadanlıqlarda istismar zamanı ortaya çıxan nasazlıqların vaxtında müəyyənləşdirmək 
• İşlətdiyi avadanlıqların iş prinsiplərini mükəmməl bilməlidir 
• Təhsil səviyyəsi: Orta mexanik

Məhsulun (un, kəpək) və materialların yüklənməsi və boşaldılmasını təmin edir, anbar daxilində stokları təşkil edir, təhlükəsizlik və sanitariya qaydalarına riayət edir, avadanlıqların baxımını həyata keçirir, sənədləşmə işlərini aparır, işlərin koordinasiyasını təmin edir və təhlükəsizlik tədbirlərini yerinə yetirir.

-         Əl ilə və ya nəqliyyat vasitələrindən (əl arabası və başqa qaldırıcı, nəqledici mexanizmlərdən) istifadə etməklə yüklərin yüklənib boşaldılması, daşınması və anbar daxili emalı.

-         Yüklərin boşaldılması və yüklənməsi üçün sadə avadanlıqların və qurğuların qurulması.

-         Satışa gedən malların (un, kəpək) yük maşınlarına yüklənməsi.

-         Un, kəpək kisələrinin lazımi lazımi qaydada yığılması.

-         Malların saxlanması üçün lazımi şəraitin mövcudluğuna diqqət yetirmək.

-         Məhsul və materialların ehtiyatını izləmək, anbarın stok vəziyyətini idarə etmək.

-     Təhlükəsiz avadanlıqları (forklift, kran və s.) istifadə edərək yükləmə və boşaltma proseslərini həyata keçirmək.

-         Məhsul və materialların anbar daxilində düzgün və təhlükəsiz şəkildə yerləşdirilməsini təmin etmək.

-         Yükün yerinə yetirilməsi, saxlanması və təşkilini təmin etmək.

-         Yükləmə və boşaltma zamanı yaranan təhlükəsizlik risklərini aşkar etmək və müvafiq tədbirlər görmək.

-         Təhlükəsizlik avadanlıqlarını (kaska, əlcəklər və s.) istifadə etmək və təhlükəsizlik qaydalarına riayət etmək.

- Yaş həddi: 20-45

- Təhsil: Orta, peşə ixtisas təhsilli

- İş təcrübəsi: 1 ilədək

- İş rejimi: Növbəli

- Nahar şirkət hesabına

- Bakı və Sumqayıt şəhərlərindən servis xidməti

- İş yeri: Abşeron rayonu Xırdalan şəhəri, Bakı-Şamaxı şossesi 129 (Hökməli dairəsinin yaxınlığı)