“Agro Dairy” şirkəti Bakı İqlim Fəaliyyəti Həftəsində iqlimədavamlı aqrobiznes müzakirələrində təmsil olunub
Bakı İqlim Fəaliyyəti Həftəsi çərçivəsində keçirilən “İqlimə Davamlı Aqrobiznes: Strategiyanın, investisiyanın və siyasətin uzlaşdırılması” mövzusunda dəyirmi masada “Agro Dairy” şirkətinin baş icraçı direktoru Niyazi Əmirbəyov iştirak edib.
Tədbirdə həmçinin Kənd təsərrüfatı naziri Məcnun Məmmədov, COP29 Prezidenti Muxtar Babayev, FAO-nun Avropa və Mərkəzi Asiya üzrə regional nümayəndəsi, eləcə də aqrar sahədə fəaliyyət göstərən şirkət və assosiasiyaların nümayəndələri iştirak ediblər.
Müzakirələr zamanı iqlim dəyişikliyinin kənd təsərrüfatına təsirləri, dayanıqlı istehsal modellərinin tətbiqi, həmçinin aqrar sektorun rəqəmsal transformasiyası və müasir kənd təsərrüfatına keçid istiqamətləri barədə fikir mübadiləsi aparılıb.