“Agro Dairy” şirkəti Masallı rayonunda təşkil olunan “Çəltik və Düyü” Festivalı və Toxum sərgi-satış yarmarkasında fəal iştirak edib.

Tədbirin məqsədi kənd təsərrüfatının inkişafını təşviq etmək, milli ənənələri qorumaq və aqrar sahədə innovativ texnologiyaların tətbiqini genişləndirmək olub. Festival çərçivəsində müxtəlif kənd təsərrüfatı məhsulları, texnika və avadanlıqlar nümayiş etdirilib.

“Agro Dairy”nin stendində geniş çeşiddə toxum nümunələri təqdim olunub. Şirkətin əməkdaşları fermerlərə və ziyarətçilərə əkin prosesində aqrotexniki qaydaların tətbiqi, torpaq-iqlim şəraitinə uyğun sortların seçilməsi və düzgün qulluq tədbirləri barədə ətraflı məlumat veriblər.